Ambrosius, Epistolarum classis I, 27, 15.
| 1 | Sequatur qui paratus est, ingrediatur viam quae ducit ad Mesopotamiam; ut qui eam petit, per aquas transeat, aquas Tigris atque Euphratae, fortitudinis atque iustitiae, per lacrymas poenitentiae, baptismum gratiae. |
| 2 | In ea est via exercitus Dei; omnes enim qui sunt in Ecclesia, Deo militant. |
| 3 | In ea est grex ille insignis diversarum virtutum, quem Iacob sibi elegit; omnis enim sine signo anima, indocta et inerudita est, disciplinarum nescia: quae autem insignita, eadem dives operum, et gratiarum opima. |