| 1 | Moveri te significasti mihi, eo quod legeris: Abominanda apud Aegyptios immolemus Deo (Exod. VIII, 26). |
| 2 | Sed habuisti quo istud solveres; quia in Genesi scriptum est quod Aegyptii pastorem pecorum abominabantur (Gen. XLVI, 34), non utique propter hominem, sed propter pecora. |
| 3 | Illi enim aratro terram invertebant: Abraham autem, et Iacob, et postea Moyses et David pastores fuerunt, regalem quamdam in hoc munere disciplinam induentes. |