Ambrosius, Epistolarum classis I, 26, 20.
| 1 | Addidit autem deviae: Vade, et amodo vide ne pecces. |
| 2 | Emendavit ream, non crimen absolvit. |
| 3 | Etenim severiore sententia culpa damnatur, si unusquisque crimen suum oderit, et in se incipiat condemnare delictum. |
| 4 | Etenim cum reus occiditur, persona magis, quam culpa punitur: ubi vero culpa deponitur, absolutio personae est poena peccati. |
| 5 | Quid est ergo: Vade, et amodo vide ne pecces? hoc est: Ex quo te Christus redemit, corrigat gratia, quam poena non emendaret, sed plecteret. |
| 6 | Vale, fili, et nos dilige, ut filius; quia nos te, ut parentes, diligimus. |