| 1 | Ac semper quidem decantata quaestio, et celebris absolutio fuit mulieris eius, quae in libro Evangelii (Ioan. VIII, 11), quod secundum Ioannem scribitur, adulterii rea oblata est Christo. |
| 2 | Id enim Iudaeorum commentata est tergiversatio; ut si contra Legem absolveretur, contra Legem prolata Domini Iesu sententia teneretur: si autem damnata esset ex Lege, vacare Christi videretur gratia. |