Ambrosius, Epistolarum classis I, 25, 5.
| 1 | Cum Iudaei interpellant, in terra scribuntur nomina Iudaeorum: cum adeunt christiani, non scribuntur in terra fidelium nomina, sed in coelo. |
| 2 | In terra autem scribuntur abdicati a patre proprio, qui patrem tentant, et contumelias irrogant auctori salutis. |
| 3 | Cum interpellant Iudaei, inclinat caput Iesus; et quia non habet ubi reclinet caput suum, iterum erigit, quasi dicturus sententiam, et ait: Qui sine peccato est, prior lapidet eam (Matth. VIII, 20). |
| 4 | Et iterum inclinato capite, scribebat in terra. |