Ambrosius, Epistolarum classis I, 23, 5.
| 1 | Inde est quod et ipse Dominus, cum opera in terris miranda fecisset, quasi iam fundata humanarum mentium fide, tempus passionis esse memoravit dicens: Pater, venit hora, clarifica Filium tuum; ut Filius tuus clarificet te (Ioan. XVII, 1). |
| 2 | Hanc enim celebrandae passionis claritudinem quaesitam alibi docet dicens: Ite, dicite illi vulpi: Ecce eiicio daemonia hodie, et cras sanitates perficio, et sequenti consummor die (Luc. XIII, 32). |
| 3 | His utique consummatur Iesus, qui incipiunt esse perfecti, ut plenitudinem divinitatis et redemptionis eius fide sua credant. |