Ambrosius, Epistolarum classis I, 22, 17.
| 1 | Negant caecum illuminatum, sed ille non negat se sanatum. |
| 2 | Ille dicit: Video, qui non videbam. |
| 3 | Ille dicit: Caecus esse desivi; et probat facto. |
| 4 | Isti beneficium negant, qui factum negare non possunt. |
| 5 | Notus homo est, publicis cum valeret mancipatus obsequiis, Severus nomine, lanius ministerio. |
| 6 | Deposuerat officium, postquam inciderat impedimentum. |
| 7 | Vocat ad testimonium homines, quorum ante sustentabatur obsequiis: eos indices suae visitationis arcessit, quos habebat testes et arbitros caecitatis. |
| 8 | Clamat quia ut contigit fimbriam de veste martyrum, qua sacrae reliquiae vestiuntur, redditum sibi lumen sit. |