Ambrosius, Epistolarum classis I, 22, 10.
| 1 | Gratias tibi, Domine Iesu, quod hoc tempore tales nobis sanctorum martyrum spiritus excitasti, quo Ecclesia tua praesidia maiora desiderat. |
| 2 | Cognoscant omnes quales ego propugnatores requiram, qui propugnare possint, impugnare non soleant. |
| 3 | Hos ego acquisivi tibi, plebs sancta, qui prosint omnibus, nemini noceant. |
| 4 | Tales ego ambio defensores, tales milites habeo: hoc est, non saeculi milites, sed milites Christi. |
| 5 | Nullam de talibus invidiam timeo, quorum quo maiora, eo tutiora patrocinia sunt. |
| 6 | Horum etiam illis ipsis, qui mihi eos invident, opto praesidia. |
| 7 | Veniant ergo et videant stipatores meos; talibus me armis ambiri non nego: Hi in curribus, et hi in equis: nos autem in nomine Domini Dei nostri magnificabimur (Psal. XIX, 8). |