Ambrosius, Epistolarum classis I, 22, 5.
| 1 | Coelum erat Paulus, qui ait: Nostra conversatio in coelis est (Phil. III, 20). |
| 2 | Coeli erant Iacobus et Ioannes: denique filii tonitrui nuncupantur (Marc. III, 17); et ideo quasi coelum Ioannes Verbum apud Deum vidit (Ioan. I, 1). |
| 3 | Ipse Dominus Iesus perpetui luminis erat coelum, cum enarraret Dei gloriam, sed eam quam nemo ante conspexerat. |
| 4 | Et ideo dixit: Deum nemo vidit umquam, nisi unigenitus Filius, qui est in sinu Patris, ipse enarravit (Ioan. I, 18). |
| 5 | Opera quoque manuum Dei si quaeris, audi Iob dicentem: Spiritus divinus, qui fecit me (Iob XXXIII, 4). |
| 6 | Et ideo adversus diaboli tentamenta firmatus, inoffensae vestigium constantiae servavit. |
| 7 | Sed veniamus ad reliqua. |