Ambrosius, Epistolarum classis I, 22, 2.
| 1 | Quid multa? Dominus gratiam dedit: formidantibus etiam clericis iussi eruderari terram eo loci, qui est ante cancellos sanctorum Felicis atque Naboris. |
| 2 | Inveni signa convenientia: adhibitis etiam quibus per nos manus imponenda foret, sic sancti martyres eminere coeperunt; ut, adhuc nobis silentibus, arriperetur urna, et sterneretur prona ad locum sancti sepulcri. |
| 3 | Invenimus mirae magnitudinis viros duos, ut prisca aetas ferebat. |
| 4 | Ossa omnia integra, sanguinis plurimum. |
| 5 | Ingens concursus populi per totum illud biduum. |
| 6 | Quid multa? Condivimus integra ad ordinem: transtulimus vespere iam incumbente ad basilicam Faustae: ibi vigiliae tota nocte, manus impositio. |
| 7 | Sequenti die transtulimus ea in basilicam, quam appellant Ambrosianam. |
| 8 | Dum transferimus, caecus sanatus est. |
| 9 | Talis mihi ad populum fuit sermo: |