Ambrosius, Epistolarum classis I, 21, 5.
| 1 | Eris, Deo favente, etiam senectutis maturitate provectior, et tunc de hoc censebis qualis ille episcopus sit, qui laicis ius sacerdotale substernit. |
| 2 | Pater tuus, Deo favente, vir maturioris aevi, dicebat: Non est meum iudicare inter episcopos; tua nunc dicit clementia: Ego debeo iudicare. |
| 3 | Et ille baptizatus in Christo inhabilem se ponderi tanti putabat esse iudicii: clementia tua, cui adhuc emerenda baptismatis sacramenta servantur, arrogat de fide iudicium; cum fidei ipsius sacramenta non noverit? |