| 1 | Exigebatur a me, ut compescerem populum. |
| 2 | Referebam in meo iure esse, ut non excitarem: in Dei manu, uti mitigaret. |
| 3 | Postremo si me incentorem putaret, iam in me vindicari oportere, vel abduci me in quas vellet terrarum solitudines. |
| 4 | His dictis, illi abierunt: ego in basilica veteri totum exegi diem. |
| 5 | Inde domum cubitum me recepi, ut si quis abducere vellet, inveniret paratum. |