| 1 | Sed forte quadam die nuptialis festi celebrabatur convivium, laeta in epulis iuventus mutuis se ad ludum invitabat sermonibus; cum alius alium salsiore dicacitate perstringeret, sicut se huiusmodi usus habet, certamen laetitiae accendebatur. |
| 2 | Ibi tum quaestionem huiusmodi proposuit Samson iuvenibus coepulantibus: De manducante exivit esca, et de forti processit dulce; absolventibus pollicens praemium, quasi mercedem sapientiae, triginta sindones, et totidem stolas, secundum numerum virorum comessantium, aut mulctam ignorantibus. |