| 1 | Nullus obrepat iuniori aetati tuae: sive ille gentilis est, qui ista deposcit, non debet mentem tuam vinculis suae superstitionis innectere: sed proprio studio docere et admonere te debet, quemadmodum verae fidei studere debeas; quando ille tanto motu veri vana defendit. |
| 2 | Deferendum meritis clarorum virorum et ego suadeo: sed Deum certum est omnibus praeferendum. |