Ambrosius, Epistolarum classis I, 16, 4.
| 1 | Est enim sanctorum etiam somnus operarius, secundum quod scriptum est: Ego dormio, et cor meum vigilat (Cant. V, 2). |
| 2 | Et secundum quod Iacob sanctus (Gen. XXVIII, 13), divina dormiens videbat mysteria, quae vigilans non viderat, de coelo ad terras aerem pervium sanctis, respicientem Dominum, et pollicentem terrae eius possessionem. |
| 3 | Itaque brevi somno dormiens impetravit, quod magno labore postea acquisivit haereditas eius. |
| 4 | Est enim somnus sanctorum feriatus ab omnibus corporis voluptatibus, ab omni animi perturbatione, tranquillitatem menti invehens, placiditatem animae; ut tamquam soluta nexu corporis se ablevet, et Christo adhaereat. |