monumenta.ch > Ambrosius > 10 > 14 > 11 > 6 > 1 > 2 > 1 > 15 > 5 > 33 > 2 > 15 > 27 > 22 > 2 > 10 > 14 > 4 > 13 > 38 > 32 > 15 > 9 > 30 > 23 > 9 > 76 > 29 > 3 > 2 > 2 > 5 > 7 > 22 > 23 > 16 > 3 > 2 > 4
Ambrosius, Epistolarum classis I, 15, 3. <<<     >>> 5.

Ambrosius, Epistolarum classis I, 15, 4.

1	Est igitur iam superiorum incola, possessor civitatis aeternae illius Hierusalem, quae in coelo est.
2	Videt illic urbis eius mensuram immensam, purum aurum, lapidem pretiosum, lumen sine sole perpetuum: et haec omnia iamdudum quidem sibi comperta, sed nunc facie ad faciem manifestata videns dicit: Sicut audivimus, ita et videmus in civitate Domini virtutum, in civitate Dei nostri (Psal. XLVII, 9).
3	Ibi ergo positus appellat populum Dei, dicens: O Israel, quam magna est domus Dei, et quam ingens locus possessionis eius! magnus et non habens finem (Baruch. III, 24, 25).

Ambrosius HOME