Ambrosius, Epistolarum classis I, 7, 19.
| 1 | Et tamen staterem dari iubet, quo vectes imponerent ori suo, ne ex multiloquio peccatum admitterent. |
| 2 | Et iubet dari in ore piscis repertum, ut agnoscerent Verbum. |
| 3 | Qui enim quod Legis est, exigebant; cur quod Legis est, nesciebant? Verbum enim Dei ignorare non debebant; quia scriptum est: Prope est Verbum in ore tuo, et in corde tuo (Deut. XXX, 14). |
| 4 | Totum igitur didrachmum Deo solvit, qui saeculo nihil reservavit. |
| 5 | Deo enim iustitia solvitur, quae est mentis sobrietas: Deo solvitur sermonis custodia, quae est sermonis sobrietas: corde enim creditur ad iustitiam, ore confessio fit ad salutem (Rom. X, 10). |