Ambrosius, Epistolarum classis I, 5, 9.
| 1 | Quid profuit igitur eam inspici, cum damnatio maneat? Nam ut quisque voluerit, aut imperitam medicam, aut redemptam asseret; ita sine effectu ullo iniuria inspectionis est. |
| 2 | Quid deinde fiet? Quotiescumque emerserit, qui non credat, toties virgo attrectabitur? Nam si umquam se visitandam abnuerit, secundum assertionem tuam de crimine confitebitur. |
| 3 | Et facilius est ut refutet, quod numquam fecerit, quam quod fecerit. |
| 4 | Variabuntur igitur obtetrices, ne suspectae aliqua repetatur gratiae. |
| 5 | Erit itaque inter plures, quamquam paucarum etiam in magnis urbibus hic usus medendi sit: erit, inquam, vel malevola, vel imperita, quam pudoris claustra praetereant, et per imperitiam integro. |
| 6 | notam affigat pudori. |
| 7 | Vides in quod periculum inducas virginalem professionem, dum obstetricem adhibendam putas; ut iam non solum verecundiae suae dispendio, sed etiam obstetricis incerto periclitetur. |