Ambrosius, Epistolarum classis I, 4, 7.
| 1 | Multa messis Christi, sed pauci operarii; et difficile reperiuntur, qui adiuvent. |
| 2 | Verum hoc vetus: sed potens est Dominus, qui mittat operarios in messem suam (Matth. IX, 37). |
| 3 | Certe in illo ordine Comensium iam plerique coeperunt credere magisterio tuo, et doctrina tua verbum Dei receperunt: sed qui dedit credentes, et adiutores dabit; quo et tibi excusandi auferatur necessitas, quod serius nos inviseris: et mihi crebrior tuae praesentiae refundatur gratia. |
| 4 | Vale, et nos dilige, ut facis. |