monumenta.ch > Ambrosius > 2 > 10 > 22 > 7 > 1 > 21 > 3 > 23 > 25 > 42 > 26 > 56 > 39 > 70 > 13 > 62 > 12 > 31 > 17 > 58 > 19 > 66 > 3 > 18 > 7 > 7 > 27 > 11 > 12 > 57 > 50 > 3
Ambrosius, Epistolarum classis I, 1, 2. <<<     >>> 4.

Ambrosius, Epistolarum classis I, 1, 3.

1	Nam quid de litteris recentibus loquar? Scripsisti tua totam epistolam manu; ut ipsi apices fidem tuam pietatemque loquerentur.
2	Sic Abraham sua manu quondam vitulum occidit (Gen. XVIII, 7), ut hospitibus epulantibus ministraret: nec in ministerio religioso aliorum adiumenta quaesivit.
3	Sed ille privatus aut Domino et angelis, aut Domino in angelis deferebat: tu, Imperator, dignatione regali honoras infimum sacerdotem.
4	Sed Domino defertur, cum servulus honoratur; ipse enim dixit: Quod uni horum minimorum fecistis, mihi fecistis (Matth. XXV, 10).

Ambrosius HOME