| 1 | Haec ego, fratres, coram ipso apud vos plenius disputarem: sed certus non ignaros vos esse fidei, vestrum refugit examen, et gentiles quosdam quatuor aut quinque ferme homines elegit cognitores sibi, si tamen aliquos elegit: quos vellem adesse in coetu omnium, non ut de Christo iudicent, sed ut maiestatem audiant Christi. |
| 2 | Tamen illi iam de Auxentio pronuntiaverunt, cui tractanti quotidie non crediderunt. |
| 3 | Quae maior eius condemnatio, quam quod sine adversario apud iudices suos victus est? Ergo et ipsorum sententiam contra Auxentium iam tenemus. |