Ambrosius, Epistolarum classis I, GESTA CONCILII AQUILEIENSIS CONTRA PALLADIUM..., 50.
| 1 | Ambrosius episcopus dixit: « Obiecisti me esse impium, hoc proba. |
| 2 | » Palladius dixit: « Expositionem nostram afferemus; cum autem attulerimus, tunc disputatio habebitur. |
| 3 | » Ambrosius episcopus dixit: « Damna impietatem Arii. |
| 4 | » Cum reticeret Palladius, Eusebius episcopus dixit: « Superfluis immoratur. |
| 5 | Tot impietates Arii Palladius noluit condemnare, immo potius asserendo confessus est. |
| 6 | Hunc qui non damnat, similis illius est, et haereticus iure dicendus est. |
| 7 | » Omnes episcopi dixerunt: « A nobis omnibus anathema sit Palladio. |