Ambrosius, Epistolarum classis I, GESTA CONCILII AQUILEIENSIS CONTRA PALLADIUM..., 43.
| 1 | Palladius dixit: « Non tibi respondeo; quia quaecumque ego dixi, non sunt scripta: vestra tantummodo scribuntur verba: non vobis respondeo. |
| 2 | » Ambrosius episcopus dixit: « Omnia vides scribi. |
| 3 | Denique quae scripta sunt, abundant ad tuae impietatis indicium. |
| 4 | » Et addidit: « Creaturam dicis Christum, an negas? » Palladius dixit: « Non respondeo. |
| 5 | » Ambrosius episcopus dixit: « Ante horam citra actam, cum legeretur quia Arius dixit creaturam Christum, negasti: oblatum est tibi, ut damnares perfidiam, noluisti: vel nunc dic utrum natus ex Patre Christus sit, an creatus? » Palladius dixit: Si vultis, exceptores nostri veniant, et sic totum excipiatur. |
| 6 | » Sabinus episcopus dixit: « Adducat suos exceptores. |
| 7 | » Palladius dixit: « Pleno concilio vobis respondebimus. |