Ambrosius, Epistolarum classis I, GESTA CONCILII AQUILEIENSIS CONTRA PALLADIUM..., 39.
| 1 | Palladius dixit: « Pater genuit Filium, Pater misit Filium. |
| 2 | » Ambrosius episcopus dixit: « Anathema illi, qui negat Filium secundum divinitatem aequalem Patri. |
| 3 | » Omnes episcopi dixerunt: « Anathema. |
| 4 | » Palladius dixit: « Filius subiectus Patri, Filius praecepta Patris custodit. |
| 5 | » Ambrosius episcopus dixit: « Subiectus secundum carnis rationem. |
| 6 | Caeterum et ipse meministi quia legisti: Nemo venit ad me nisi quem Pater attraxerit » (Ioan. VI, 44). |
| 7 | Sabinus episcopus dixit: « Dicat si secundum divinitatem subiectus est Patri, an secundum incarnationem? » |