Ambrosius, Epistolarum classis I, GESTA CONCILII AQUILEIENSIS CONTRA PALLADIUM..., 36.
| 1 | Ambrosius episcopus dixit: « Aut dic quia secundum divinitatem minor est Filius Dei. |
| 2 | » Palladius dixit: « Pater maior est. |
| 3 | » Ambrosius episcopus dixit: « Secundum carnem. |
| 4 | » Palladius dixit: « Qui me misit, maior est me (Ioan. XIV, 27). |
| 5 | Caro missa est a Deo, aut Filius Dei? » Ambrosius episcopus dixit: « Falsari a vobis divinas Scripturas hodie comprobamus; sic enim scriptum est: Pacem meam do vobis, pacem meam relinquo vobis. |
| 6 | Non turbetur cor vestrum: non quomodo hic mundus dat, ego do vobis. |
| 7 | Si diligeretis me, gauderetis quia dixi, vado ad Patrem; quia Pater maior me est. |
| 8 | Non dixit: Qui me misit, maior me est » (Ibid.). |
| 9 | Palladius dixit: « Pater maior est. |
| 10 | » Ambrosius episcopus dixit: « Anathema illi, qui divinis Scripturis addit aliquid, aut minuit. |
| 11 | » Omnes episcopi dixerunt: « Anathema. |