Ambrosius, Epistolarum classis I, GESTA CONCILII AQUILEIENSIS CONTRA PALLADIUM..., 28.
| 1 | Eusebius episcopus dixit: « Etiam Secundianus ad hoc respondeat. |
| 2 | » Cumque Secundianus reticeret, Ambrosius episcopus dixit: « Qui tacet, integrum vult habere iudicium. |
| 3 | » Et addidit: « Solum Patrem bonum cum dicit, Filium confessus est, an negavit? » Palladius dixit: « Legimus: Ego sum pastor bonus (Ioan. X, 11); et nos negamus? Quis non dicat bonum Dei Filium? » Ambrosius episcopus dixit: « Ergo bonus est Christus? » Palladius dixit: « Bonus. |
| 4 | » Ambrosius episcopus dixit: « Male ergo Arius de solo Patre dixit, cum etiam Filius Dei Deus omnibus sit. |
| 5 | » Palladius dixit: « Qui bonum non dicit Christum, male dicit. |