Ambrosius, Epistolarum classis I, GESTA CONCILII AQUILEIENSIS CONTRA PALLADIUM..., 5.
| 1 | Ambrosius episcopus dixit: « Ecce quod Christianus constituit imperator. |
| 2 | Noluit iniuriam facere sacerdotibus; ipsos interpretes constituit episcopos. |
| 3 | Ac per hoc, quoniam in sacerdotali Concilio considemus, responde ad ea quae tibi proponuntur. |
| 4 | Arii epistola lecta est: etiam nunc recitabitur, si tibi videtur. |
| 5 | A principio habet blasphemias, solum Patrem aeternum dixit. |
| 6 | Si tibi videtur quod Dei Filius sempiternus non sit, hoc ipsum quemadmodum vis, astrue: si damnandum putas, damna. |
| 7 | Evangelium praesens est, et Apostolus, omnes Scripturae praesto sunt. |
| 8 | Unde vis astrue, si putas non esse Dei Filium sempiternum. |