Ambrosius, De interpellatione Iob et David, 4, § 23
| 1 | bonum est ergo nobis, ut non repellamur. |
| 2 | ideo queritur Dauid, quia repulsum se credidit, qui fuerat ante susceptus. |
| 3 | denique in posterioribus dixit: in te confirmatus sum ex utero. |
| 4 | sed et supra scriptum habemus: in te proiectus sum ex utero de uentre matris meae deus meus es tu. |
| 5 | bonum est et proici, sed in deum. |
| 6 | denique ex persona Christi hoc in XXI psalmo dicitur, qui uere in patrem de utero proiectus est uirginis; non enim terrena eum excepere molientem. |
| 7 | unde in cruce positus, cum emitteret spiritum, ad patrem dixit: in manus tuas commendo spiritum meum. |