monumenta.ch > Ambrosius > CAPUT XXVII. > CAPUT XX. > CAPUT XXIV. > CAPUT XIII. > CAPUT XVIII. > CAPUT XL. > CAPUT XIX. > CAPUT XXVI. > CAPUT XIV. > CAPUT XXIII. > CAPUT XII. > CAPUT XXXII > CAPUT XXXIII. > CAPUT XXI. > CAPUT II. > CAPUT XVI. > CAPUT XXIV. > CAPUT III. > CAPUT XXI. > CAPUT XXXII. > CAPUT II. > CAPUT XXX. > CAPUT XXIV. > CAPUT VII. > CAPUT XLVIII. > CAPUT XXIX. > CAPUT X. > CAPUT XVI. > CAPUT XLI. > CAPUT II. > CAPUT XXXIII. > CAPUT XII. > CAPUT V. > CAPUT X. > CAPUT XXVIII. > CAPUT XVII. > CAPUT XXVI. > CAPUT XVI. > CAPUT XVIII. > CAPUT XLV. > CAPUT XIII. > CAPUT XXXVI. > CAPUT IV. > CAPUT XXVII. > CAPUT X. > CAPUT XIX. > CAPUT XXIII. > CAPUT XII. > CAPUT VIII. > CAPUT XXI. > CAPUT X. > CAPUT XVII. > CAPUT XXVI. > CAPUT XVI. > CAPUT XXXVII. > CAPUT XVIII. > CAPUT XXX. > CAPUT XXV. > CAPUT XIII. > CAPUT XI. > CAPUT XXIV. > CAPUT XXII. > CAPUT XXXI. > CAPUT XXXV. > CAPUT XLIII. > CAPUT XXIX. > CAPUT XIX. > CAPUT XXIII. > CAPUT XII. > CAPUT XVII. > CAPUT LII.
Ambrosius, De excidio urbis Hierosolymitanae, LIBER QUINTUS., , LI. <<<     >>> LIII.

Ambrosius, De excidio urbis Hierosolymitanae, LIBER QUINTUS., CAPUT LII.

1	Massadae quoque plurimi se Iudaeorum freti loci munimine congregavere, cuius expugnandi negotium Titus indignum arbitratus quod imperatorem teneret, Syllae mandavit, cui summam in iisdem locis militiae Romanae, cavendique ne quid iterum rebellionis oriretur, commiserat.
2	Ipse Alexandriam contendit, et inde navigio Romam transmisit.
3	Sylla gnaviter insistens iniuncto sibi muneri, Massadae murum ariete dissolvit.
4	Illi interiorem ligno composuere, eo quod ad huiusmodi ictus machinamentorum muralis materies facile non cederet.
5	Sed Romani, mutato bellandi genere, ignem iecere, qui et facile ligno inhaesit, et sine ulla adolevit mora.
6	Magnus itaque adultus incendio flammae ferebatur fragor, qui primum boreae spiramine a munitionis partibus repellebatur, et Romanorum magis vineas exurebat.
7	Deinde, exorto noti spiramine, in castellum sese retorsit, ita ut conflagraret omnis ille ligneus muralis obiectus materiae consumptae.
8	Romani, quoniam nox intervenerat, securi victoriae in castra sese receperant, ut sequenti die nudatos iam atque omni exutos praesidio debellarent.
9	Sed ne quis elaberetur, intextis castellum custodiis circumvallaverunt.

Ambrosius HOME