monumenta.ch > Ambrosius > CAPUT XXXVII. > CAPUT XXXVIII. > CAPUT XIV. > CAPUT XX. > CAPUT XLIII. > CAPUT VIII. > CAPUT XXX. > CAPUT XXVIII. > CAPUT XXI. > CAPUT XVII. > CAPUT XXXI. > CAPUT XII. > CAPUT XXV. > CAPUT V. > CAPUT XXVII. > CAPUT XIII. > CAPUT XLV. > CAPUT XIX. > CAPUT XLVII. > CAPUT XL. > CAPUT IV. > CAPUT XIX. > CAPUT XXXVI. > CAPUT III. > CAPUT XVII. > CAPUT II. > CAPUT XXXVII. > CAPUT XIV. > CAPUT XI. > CAPUT V. > CAPUT XXVI. > CAPUT XXIV. > CAPUT XIII. > CAPUT VII.
Ambrosius, De excidio urbis Hierosolymitanae, LIBER TERTIUS., , VI. <<<     >>> VIII.

Ambrosius, De excidio urbis Hierosolymitanae, LIBER TERTIUS., CAPUT VII.

1	Sephoritani quoque et tributa et subsidia militaria, regiones finitimas incursabant, auctoritatem latrocinandi liberam, sibi belli specie vindicantes, quod imperio Romano a Iudaeis inferebatur.
2	Unde Iosephus acceptae acerbitatis iniuriam ulcisci gestiens, irruere in urbem Sephorim, sociato sibi Plurimorum numero contendit, ut eos aut revocaret in societatem Iudaeae, aut resistentes supremo (si posset) excidio labefactaret.
3	Sed utriusque conatus effectu excidit: quia nec dissuadere potuit Romanae coniunctionis electionem, nec urbem evertere, quam ipse talibus munimentis firmaverat, ut a Romanis quoque longe praestantioribus expugnari nequiret.
4	Cecinit itaque classicum, tentata irruptione sine ullo profectu, atque in totam regionem bellum excitavit.
5	Vastabant omnia, die noctuque exurentes aedificia, diripientes patrimonia, perimentes quoscumque bello habiles comprehendissent, infirmos servituti subiicientes.
6	Repleta erat Galilaea omnis incendio, sanguine, latrocinio, nullius immunis miseriae, et deformi rerum omnium specie, cum si quid igni aut neci superfuisset, captivitati reservaretur.
7	Cuius mali illa quae paulo ante acerbiora aestimata sunt, praeferebantur.

Ambrosius HOME