| 1 | Denique mysterium ecclesiae euidenter exprimitur. |
| 2 | primum enim dixit ad discipulum legis: <si audieris legem et custodieris, faenerabis gentibus'. |
| 3 | quod factum est a patribus nostris. |
| 4 | faenerauit Moyses gentibus, qui proselytos adquisiuit, faenerauit Iesus Naue, faenerauit Gedeon, faenerauit Samuhel Dauid Solomon Helias Helisaeus, et si quis uolebat uerbum cognoscere, ad illos pergebat: regina austri uenit audire sapientiam Solomonis. |