Ambrosius, De Tobia, § 42
| 1 | diuersa quoque serpentibus sunt conueniendi et parturiendi tempora, pecunia faenebris a die initae conuentionis crescentibus serpit usuris, quae parturire non nouit, quia dolores magis in alios ipsa transfundit. |
| 2 | ibi dolores sicut parturientis. |
| 3 | unde etiam toxoo; Graeci usuras appellauerunt eo quod dolores partus animae debitoris excitare uideantur. |
| 4 | ueniunt calendae. |
| 5 | parit sors centesimam: ueniunt menses singuli, generantur usurae, malorum parentum mala proles. |
| 6 | haec est generatio uiperarum. |
| 7 | creuit centesima: petitur, non soluitur: adplicatur ad sortem. |
| 8 | fit maledictum propheticum dolus in dolo, usura inprobi seminis fetura deterior. |
| 9 | itaque non iam centesima incipit esse, sed summa, hoc est non faenoris centesima, sed faenus centesimae. |