Ambrosius, De Tobia, § 40
| 1 | Quid enim taetrius eo qui hodie faenerat et eras expetit? et odibilis inquit homo huiusmodi. |
| 2 | oblatio quidem blanda, sed inmanis exactio. |
| 3 | uerum ipsa oblationis humanitas facit exactionis saeuitiam. |
| 4 | protulit pecuniam, nypothecas exigit atque in suis apothecis recondit. |
| 5 | una pecunia a faeneratoribus datur et quam multa a debitoribus exiguntur! quanta sibi fecerunt uocabula! nummus datur, faenus appellatur: sors dicitur, caput uocatur: aes alienum scribitur, multorum hoc capitum inmane prodigium numerosam exactionem efficit: syngrapham nuncupat, chirographum nominat, hypothecas . |