Ambrosius, De Tobia, § 35
| 1 | quis grauior exactor est? et hoc triste nomen. |
| 2 | denique dominus ait: populus meus, exactores uestri cirumscribunt uos, et in euangelio habes: dum uadis cum aduersario tuo ad magistratum, da operam liberari ab illo, ne forte perducat te ad iudicem et iudex tradat te exactori et exactor mittat te in carcerem. |
| 3 | quis iste sit exactor agnosce, qui etiam nouissimum quadrantem exigit et idem se creditorem uocat atque in hoc etiam nomine fraudem facit ut qui ueneni poculum melle inlinit. |
| 4 | ut sub grato odore mors lateat atque inlita calicis ora uim fraudis abscondant. |
| 5 | creditor praetexitur quasi fidelis et quasi incredulus, ad quem fidelis obpignorat. |