Ambrosius, De Tobia, § 24
| 1 | de fructibus emptae possessionis pretium multiplicabis, debitum reddes'. |
| 2 | praetendunt alienos fundos adulescenti, ut eum spolient suis: tendunt retia, simul ut indagine cincta spatia fuerit ingressus, cogunt eum in retia cautionum, laqueos usurarum; petunt obligari sibi auitum praetorium, paternum sepulchrum. |
| 3 | praestituitur dies solutioni, dissimulatur conuentio, quando potest solutio sustineri. |
| 4 | ubi satis securum reddiderint, repente ingruunt et instant uehementius, causanti incumbunt dicentes: 'tu possides tua praedia, nos nostram pecuniam non habemus: aurum dedimus, lignum tenemus: tibi fructuum emolumenta procedunt, nobis nihil accrescit pecuniae. |
| 5 | otiosa causatio est: saltem renouetur chirographum |