Ambrosius, De Tobia, § 21
| 1 | tunc secum reputat, tunc scripturas recordatur, tunc dicit: nonne mihi scriptum est: bibe aquam de tuis uasis et de puteorum tuorum fontibus. |
| 2 | quid mihi cum puteo faeneratoris, ubi et aqua' includitur? suauiora erant holera cum securitate quam alieno partae epulae cum sollicitudine. |
| 3 | non oportuit aliena quaerere. |
| 4 | deinde incideram debita, de meis oportuit fontibus remedium quaerere. |
| 5 | erant domi uasa minutiora. |
| 6 | melius erat ministerium deesse quam cibum, melius uestem uenalem proponere quam libertatem addicere. |
| 7 | quid profuit quod publicare paupertatem meam uerecundatus sum? ecce alius publicauit. |