Ambrosius, De Nabuthae, § 18
| 1 | noui ego diuitem in agrum proficiscentem panes breuiores urbe delatos numerare solere, ut pro numero panis aestimaretur quot dies in agro futurus esset. |
| | |
| | |
| 2 | nolebat obsignatum aperire horreum, ne quid de condito minueretur. |
| | |
| | |
| 3 | panis unus diei deputabatur, qui tenacem satiare 570 A uix posset. |
| | |
| | |
| 4 | comperi etiam ueri fide, si quando ei ouum esset adpositum, queri quod pullus esset occisus. |
| | |
| | |
| 5 | hoc ideo scribo, ut cognoscatis uindicem esse dei iustitiam, quae lacrimas pauperum uestro ulciscatur ieiunio. |