Ambrosius, De Helia et ieiunio, § 57
| 1 | constitue ante oculos pompam huius saeculi: uides speciosam inlecebram, sed inanem gratiam. |
| 2 | non te inducant aurea uasa et argentea; habemus et nos thensaurum in uasis fictilibus. |
| 3 | uas apostolicum fictile est, sed in eo thensaurus est Christi. |
| 4 | uae siceram mane sectantes! aureum est hoc uas, poculum est: in eo poculo uenenum mortis, uenenum libidinis, uenenum ebrietatis est. |
| 5 | hoc qui biberit commouetur et cadit. |
| 6 | commouetur non solum corpore sed etiam corde turbato; commoneri enim peccati est. |