Ambrosius, De Helia et ieiunio, § 44
| 1 | omnes sibi in uino aequales uidentur, nullus inferior. |
| 2 | non pauper diuiti cedit, utpote qui pauperem esse se nescit: non infirmus ualido, cui omnis in bibendo est fortitudo: non mendicus locupleti, non ignobilis honorato, cum bibentes illum regem habeant qui bibendo superauit uiros. |
| 3 | meritoque scriptum est: aequalis uita hominibus uinum in ebrietate. |
| 4 | sed utinam et quod sequitur audires: bibas illud moderate, ut sis sobrius! nonhabes quod accuses uinum. |
| 5 | in iocunditatem creatum est, non in ebrietatem ab initio. |
| 6 | exultatio animae et cordis est, si moderate bibas, inmoderatior autem potus in iracundiam concitat et ruinas multas efficit. |