Ambrosius, De Helia et ieiunio, § 43
| 1 | de ebrietate ad arma consurgitur, calicibus tela succedunt. |
| 2 | pro uino sanguis effunditur et ipsum sanguinem uina fuderunt. |
| 3 | quam fortes sibi homines uidentur in uino, quam sapientes, quam diserti. |
| 4 | quantum etiam pulchri ac decori, cum stare non possint! mens necesse est titubet, lingua balbutiat, pallor exsanguis ora suffundat, <ut>faetor ebrietatis horrori sit. |
| 5 | barbari in ferrum ruunt, uulgus in rixas. |
| 6 | si quis eorum pugno fuerit percussus, uideas ora saucium uini lacrimas fundere, miserabiles epilogos decantare. |
| 7 | habet unum hoc temulentia, ut eniolliat et resoluat corda temulentorum; sicut ignis enim probat ferrum durum, ita et uini incendio etiam superborum hominum cor liquescit. |