Ambrosius, De Helia et ieiunio, § 41
| 1 | Sed quid hoc est? dum de ieiunio disputo, strepitus audio conuiuiorum. |
| 2 | nisi fallor, in sermone meo redoluit prandium. |
| 3 | sonus ergo litterarum inuitat, inpatientiae exempla non terrent. |
| 4 | etenim qui ieiunantem et ea quae legis sunt ferentem expectare non passus est populus utique sedit manducare et bibere et surrexerunt ludere. |
| 5 | uidemus sacrilegium ebrietati fuisse coniunctum. |
| 6 | nam sicut mater fidei continentia ita perfidiae mater ebrietas est. |
| 7 | in quod facinus non ista praecipitat? |