| 1 | Vir fuit in populo largus pro gentibus hospes, Saepius hospitium cuius intrare solebat Egregius praesul, partes dum venit in illas. |
| 2 | Ecce die quadam veniens, nil praescius eius Vir fuit adventus; qua propter pocula vini Non habuit charo veniente repente magistro. |
| 3 | Hoc Pater agnoscens, iussit sibi ferre quaternas, Per loca quas pueri secum portare solebant, Flascones pariter modicas, benedixit et inquit: Nunc miscete quidem nobis, benedictio Christi Augebit vinum, credo, pietate benigna. |
| 4 | Sic fuit et factum, iam bis simul ecce viceni Namque fuere viri convivae, vina bibentes. |
| 5 | Sufficit his Christi per donum potio cunctis. |