| 1 | Venerat ad quamdam cellam venerabilis hospes. |
| 2 | Omnibus Ecclesiae rebus iam rite peractis Fratribus et solito mandata more salute, Omnia perspiciens sacrae sedilia cellae. |
| 3 | Ingrediens etiam sociis cellaria paucis, In qua sola parum vini vix tunna tenebat, Quam Christi famulus baculo benedixit honesto, Quem manibus semper sanctus portare solebat. |
| 4 | Nocte sequente merum sed mox, mirabile dictu! |
| 5 | Solus in aede manens servator crescere vidit, Donec mellifluo completa est nectare tunna. |
| 6 | Hoc laetus retulit venerando Patre silente [Mab., silenter]. |
| 7 | Cui pius antistes dederat praecepta tacendi, Usque diem mortis, nolens sibi quaerere laudem. |