| 1 | Dum divina pius coelestis semina vitae Spargere per multas properaverat accola terras, Pervenit qua nil steriles nisi gignit arenas. |
| 2 | Infecunda soli species prope littora ponti, Qua nec dulcis aquae inventa est sitientibus unda. |
| 3 | Vir cupiens sanctus sociis succurrere fessis, Iusserat ut facerent intra tectoria [Mab., tentoria] fossam. |
| 4 | Quo facto, praesul solum se clauserat intus, Et genibus fixis lacrymas fundebat amaras Ante Deum, dulcem quo mox meruere sed undam, Produxit subito fontem prius arida tellus, De quo potabant socii secumque ferebant, Indiguit quantum steriles via coepta per agros. |