Alcuinus, Vita S. Willibrodi, p4, 1

monumenta.ch > Alcuinus > qua de monumentis boni malique resurgent. > proprio mox ab eo revocatur ex nomine. Quem cognitum iubetur protinus discipulis nantiare. > CAPUT XL. Traditionis ac passionis eius per ordinem gesta narrantur. > 1
Alcuinus, Vita S. Willibrodi, LIBER SECUNDUS, QUEM ALCUINUS METRO STUDENS COMPOSUIT., , PRAEFATIO. <<< >>> II. Qualiter idem vir Dei in opere praedicandi profecisset.

Alcuinus, Vita S. Willibrodi, LIBER SECUNDUS, QUEM ALCUINUS METRO..., CAPUT PRIMUM. Quod beatus Willibrordus de Britannia vel Hibernia Franciam venisset.

Venerat occiduis quidam de finibus orbis,
Vir virtute potens, divino plenus amore,
Ore sagax, et mente vigil, et fervidus actu,
Ad te, temporibus Pippini, Francia felix;
Quem tibi iam genuit fecunda Britannia mater,
Doctaque nutrivit studiis sed Hibernia sacris,
Nomine Willbrordus, meritis vivacibus almus:
Qui peregrina petens Domini deductus amore,
Semina perpetuae cupiens coelestia vitae
Spargere, qua rarus fuerat prius accola verbi.

Quem mox Pippinus Francorum rector honestus
Suscipit, atque illum sitientia rura rigare
Per loca mandavit iam singula, rore superno,
Auxiliisque Dei famulum firmavit honestis.