Alcuinus, Vita S. Willibrodi, EIUSDEM ALCUINI HOMILIA, DE NATALI..., IV.
| 1 | Imitandus a nobis. |
| 2 | - Videte, fratres charissimi, quanta gloria est Deum sequi. |
| 3 | Iste pro amore Christi patriam contempsit, peregrinationem elegit, divitias saeculi parvi pendebat, paupertatem voluntarie amavit. |
| 4 | Et cognovimus, qualem honorem postea habuit inter homines, sed melior est gloria, quam aeternaliter possidet inter angelos. |
| 5 | Huius sanctissimi doctoris nos exempla de ignaviae torpore suscitent, ut quod in illo praedicamus, impleamus in nobis. |
| 6 | Agones illius laboris laudamus, vias nostras in vestigia eius corrigamus: quatenus qui sanctitatis eius sequimur exempla, beatitudinis sortiamur et praemia, per eum, qui illum coronavit, et nos adiuvabit, Iesum Christum Dominum nostrum, qui cum Patre et Spiritu sancto vivit et regnat in gloria sempiterna. |
| 7 | Amen. |
| 8 | Explicit liber primus, prosaico gradiens sermone, de vita, ac virtutibus, obituque sancti Willibrordi archiepiscopi. |