| 1 | Nunc autem, quid in eodem episcopo post eius excessum visum est dignum memoriae, referatur. |
| 2 | Superveniente igitur tempore, domuncula, in qua Deo dilectus diem obiit, flammis arrepta ardere coepit. |
| 3 | Sed vidente quadam religiosa femina Abita nomine, sanctus adveniens Vedastus, flammas a domo discussit, et ita incolumis remansit cum lectulo, in quo vir Domini sanctam ad coelestia regna animam emisit: ut omnes agnoscerent quanta illius esset beatitudo in coelis, cuius lectuli domicilium in terris ardere non potuit. |