| 3 | Ita benignissime, ita amator hominum, ita qui solus sine peccato es, effunde super me inaestimabilem et immensam misericordiam tuam, et praesta mihi ut et ego et hi qui te diligunt regni tui efficiamur haeredes; et videntes gloriam tuam, adoremus bonitatem tuam: et dicamus pariter, qui digni fuerimus videre insatiabilem pulchritudinem maiestatis tuae: Gloria Patri, qui fecit nos, gloria Filio, qui sanavit nos, gloria Spiritui sancto, qui renovavit nos: Trinitas sancta, une Deus, sub umbra alarum tuarum nos protege, qui es benedictus in saecula. |