monumenta.ch > Alcuinus > ORATIO SANCTI MARTINI. > HYMNUS TRIUM PUERORUM. > PSALMUS MARTYRUM. > FERIA III. AD SPECIALES ORATIONES FACIENDAS. > PSALMUS. > 1 > PSALMUS. > littera b > ORATIO SANCTI HIERONYMI. > FERIA I. > > PSALMUS. > LITANIA UT SUPRA. > DEPRECATIO Quam papa Gelasius pro universali Ecclesia constituit canendam esse. > PSALMUS DE PASSIONE DOMINI. > 6 > ORATIO SANCTI GREGORII PAPAE.
Alcuinus, Officia per ferias, ORATIO SANCTI GREGORII. <<<     >>> ORATIO SANCTI HIERONYMI PRESBYTERI.

Alcuinus, Officia per ferias, ORATIO SANCTI GREGORII PAPAE.

1	Peccavi, Domine, coram te, peccavi et coram angelis tuis.
2	Fac mecum servulo tuo secundum misericordiam tuam.
3	Tibi, Domine, misericordia, tibi, Domine, iustitia.
4	Sana me, Domine, et sanabor: salva me, et salvabor, quia non infernus confitebitur tibi, neque mors laudabit te.
5	Vivens, vivens ipse confitebitur tibi, sicut et ego hodie.
6	Intercede pro me, sancta Maria mater Domini nostri Iesu Christi.
7	Beatissima et gloriosa genitrix, adiuva me.
8	Intercede pro me, sancte Petre, apostolorum princeps, et solve me a vinculis peccatorum meorum.
9	Intercede pro me peccatore, sancte Paule, apostole Christi, vas electionis.
10	Intercede pro me indigno et reo atque torpente, sancte Andreas.
11	Intercede pro malis meis, sancte Iacobe.
12	Intercede pro malefactis meis, sancte Ioannes dilecte Dei.
13	Intercede pro peccatis meis, sancte Philippe.
14	Intercede pro peccatis meis, sancte Bartholomaee.
15	Intercede pro infirmitatibus meis, sancte Thoma.
16	Intercede pro delictis meis, sancte Matthaee.
17	Intercede pro iniquitatibus meis, sancte Iacobe.
18	Intercede pro sceleribus meis, sancte Tathaee.
19	Intercede pro transgressionibus meis, sancte Simon.
20	Intercede pro vanitatibus meis, sancte Mathias.
21	Obsecro vos, apostoli Christi, per commemorationem vestram, ut mihi servulo vestro misereamini, et me in omni adiutorio adiuvetis.
22	Obsecro vos, novem ordines angelorum, angelos, archangelos, virtutes, potestates, principatus, dominationes, thronos, cherubim et seraphim, ut intercedatis pro me, ut sit mihi propitius Christus Filius Dei vivi.
23	Obsecro divitias bonitatis et longanimitatis et patientiae tuae, Iesu Christe Fili Dei Salvator noster: miserere mei, et propitius esto mihi peccatori; quia non vis mortem peccatoris, sed ut convertatur et vivat; nec exstinguis linum fumigans, et arundinem quassatam non confringis.
24	Fac me sicut unum de mercenariis tuis, et efficiar a te de servo amicus: et fiat voluntas tua, sicut in coelo et in terra.

Alcuinus HOME
bmv405.5