Alcuinus, Officia per ferias, PSALMUS.
| 1 | (PSAL. CXXXII.) Ecce quam bonum et quam iucundum, habitare fratres in unum. |
| 2 | Sicut unguentum in capite, quod descendit in barbam, barbam Aaron. |
| 3 | Quod descendit in oram vestimenti eius: sicut ros Hermon, qui descendit in montem Sion. |
| 4 | Quoniam illic mandavit Dominus benedictionem, et vitam usque in saeculum. |
| 5 | Ut supra. |
| 6 | Non mortui laudabunt te, Domine. |
| 7 | Oratio. |
| 8 | Infunde, Domine, in Ecclesiam tuam charitatem fraternitatis et pacis, ut rore spiritalis unguenti aspersi, benedictionis tuae gratia iucundemur. |
| 9 | Per. |
| 10 | Alia. |
| 11 | Christe Domine, cuius sacrum nomen, unguento effuso, sapientiae comparavit odorem; da, quaesumus, unguentum verticis tui in barbam decoris populi tui, te profundente, descendere, ac in ipsa vestimenti ora, quae praesentis vitae induitur, pervenire. |
| 12 | Per Dominum. |